خليك جنبي بقلم زغلول الطواب

كلمات أغنيه كتبتها بلسان حبيبه تناجي حبيبها
أتمني تعجبكم
( خليك جنبي )
كلمات زغلول الطواب
لو حلفتلك
علي المايه تجمد
هتصدقني
ولا أحلف بحياتك
يا أغلي حاجه عندي
وحياتك يا حبيبي
نظرة عنيك بتوحشنى
لما بتغيب ساعات
وحتى وانت معايا
شوقي ليك بيلوعني
طب تصدق بأيه
كل مبسمع سيرتك
بتاخدنى لفوق
وبتصحى الشوق
إللى جوايا
أسمك يا حبيبي
أغلي حاجه عندي
مش قادره على بعدك
 ثانيه
حتى لما بتغمض عنيا
بشوفك بخيالي
وكأنك معايا
وبحس كأنك جنبي
عايش جوايا
أياك يا حبيبي تبعد
وتسيبنى
آه لو تعرف أد أيه
نار البعد بتعذبنى
ارحمنى
 ومتسبنيش أتعذب
خليك وحياتك جنبي
قرب وخدني في حضنك
متحرمنيش يا حبيبي
من شفايفك وخدك
أنت حياتى ومنايا
آه من حنانك يا حبي
نهر وأنا غرقانه جواه
مهما تسقينى
مش هتروينى
هفضل عطشانه
وكأني حرانه
من نار الشوق
إللي بتقتلني
طالما لسه بقول الآه
وقلبى بيدق وسمعاه
كل دقه بتقولك بحبك
وبتسهرني
كل لحظه
بستنى فيها قربك
كأنها سنين بتمر
وأنت مش معايا
دايماً حاسه بشوق
وأنت بعيد عنى
يا توأم الروح يا حبيبي
بحبك كتير وأكتر
خليني معاك
وخليك دايماّ جنبي