قصدتي بابي بقلم ربيع النمري

قصدتي بابي
جيتي بلا عنوان
فتحت ليك قلبي
ورتحيت مزيان
نسيت عدابي
ولقيت انسان
عايش فدخالي
اعز من حبابي
شاعر رسام فنان
شارب شرابي
وعايش الحياة
بين الورود
وسط الجنان
ناسي اشقاه
ألي هو عدابي
عراف بلي الدنيا
ما يبقى فيها انسان
شدني من يدي
ؤ ردني لصوابي
ؤگال ليا
عيش الافراح
خير من الاحزان
وبدات الفرحة كطير
كي الطيور بجنابي
والضحكة عمرت وجهي
مبقيتش خايف حيران
وعرفت بالي الحب
هو سبابي
نساني الهموم
اتگول سكران
بمدام الغرام
وليت نعشق ترابي
انفكر بلا بيك
كيف كانت حياتي
نبكي وانا ندمان
نتمنى اتكوني
انت مكتابي
وانعيش معاك
طول الزمان.

ربيع النمري